صينيه البطاطس باللحمه باللحمه

نضع صينيه علي نار عاليه ثم نضع بها ملعقه سمنه كبيره ونتركها حتي تسخن وبعد ما الصينيه والسمنه تسخن هنضع نصف كيلو لحمه او اكثر ونحمرها كويس من كل الاتجاهات …
ثم نغطي الصينيه ونقلبها من وقت للتاني كل 7 دقايق ونضع بعدها بصلتين شرايح متقطعين كويس ونخلي النار متوسطه …..
اول ما البصل يستوي معايا نضيف فلفل رومي متقطعين شرايح صغيره ونقلبهم كويس لحد ما يتبلوا معايا وبعد كده نضيف 4 فصوص ثوم متقطعين شرايح صغيره ونقلب جيدا …
بعد كده نضيف نصف كيلو بطاطس متقطع شرايح بسمك مش كبير ولا صغير ونقلب كويس وبعد كده نحط التوابل ..والتوابل عباره عن معلقه صغيره ملح ونصف ملعقه فلفل اسود ونصف ملعقه كزبره ناشفه ونصف ملعقه بابريكا ونصف ملعقه كركم اصفر وملعقه صغيره زعتر ناشف ونقلب كويس..
بعد كده هنضيف 2 طماطم متقطعين بأي شكل من الاشكال ومعلقه صلصه معلبه وهنضيف كبايتين ميه ونقلب كويس ونسيبها تغلي علي نار هاديه لمده نصف ساعه …
وفي الوقت ده هنسخن الفرن علي درجه حراره 200 وندخلها الفرن علي الرف الاوسط لمده نصف ساعه حتي تنشف تماما…